大家身邊總有朋友和親人在移民潮期間移居到海外吧？最多人的選擇可能是英國。可以尋求新的機會固然好，不過移民又是否只有美好的一面呢？新環境、新工作、新朋友，大家都渴求着一個新的開始，但其實當中還要接受和克服很多的挑戰和困難。90後Cathy，在香港從事了廣告業近8年時間，近幾年都有工作假期及移民的打算，並於2021年9月坐言起行，現在居住於英國曼徹斯特，並幸運地投身「老本行」在廣告公司工作。
同場加映：
管家王 ︳600呎雙層巴士屋有齊廚廁 港男住近20年：日日想快啲返屋企
當大家都覺得Cathy有一個新開始，又可以從事自己擅長的行業，工作文化又理應比香港優勝時，Cathy坦言隻身來到英國，事事都得靠自己，其實都經歷了不少辛酸和寂寞的時刻。不過，她全都咬緊牙關熬過來，只希望讓家人有多一個居住的選擇、讓朋友和香港人有多一個成功的參考例子，並希望可讓大家明白：「離開不是放棄，而是希望能夠繼續去生存。」
用了5個月搵工 最大障礙是英文
這幾年間，很多人都因為社會運動和香港大環境的轉變而有移民的念頭，而Cathy亦是其中一員。她指首先考慮的其實是澳洲，但之後因為英國推出「BNO 5+1」政策非常便利，所以就決定到英國發展。而搵工方面，Cathy於出發前3個月已經開始在香港找合適的工作，「我計劃先搵廣告業，因為自己對呢一行仲係有熱誠，希望可以再搵到發展空間，同埋始終有經驗，就算英文唔太好，都有基本嘅技能。」她指自己的身體不好，所以先避免找過於勞動的工作，如果真的找不到廣告業，才再作打算。
「我喺3個月內見咗兩個獵頭，但都係冇乜回音。之後過到英國，我用咗兩個月搵，因為可以face to face 見面，面試嘅機會都多咗，不過當中都有好多失望嘅經驗。雖然香港人有學英文，但嚟到先發現自己日常嘅英語好貧乏，溝通成為咗超大嘅障礙！因為佢哋嘅公司嘅主要客戶係歐洲客，所以英文嘅要求相對地高。我亦試過有啲去到第三輪面試，之後再同我講已經請咗另一個，最大原因係因為我母語唔係英文……」另外，Cathy指，即使自己在香港負責過很多大品牌的客戶，但英國很多僱主都視她只擁有亞洲工作經驗，沒有當地工作經驗的話，就只可以由初級職位做起。
Cathy補充，「另外，佢哋都好重視LinkedIn嘅資料，但我以往都冇人教點執到LinkedIn比較專業啲，所以都比較輸蝕。」經過一輪信心的打擊和自我質疑後，Cathy幸運地獲聘於現時的廣告公司，雖然職位和薪金都比過往在香港時低，但她笑言只要可以入行就已經是一個好開始，「所以大家都要有一定嘅心理準備，要為自己打很多折扣才可以入行，等於重新嚟過一樣。」
人工打折扣 但冇OT、氣氛好
在香港時，Cathy的月薪2萬多，職級屬中層管理級別，但現時在英國的廣告公司，她表示收入少了約3成，職級則屬入門職位，「加上呢邊要交重稅，每月可用嘅只有1.4至1.5萬，仲要交租同埋日常開支，不過都仲afford到我每個月去附近嘅城巿觀光，我物慾又唔高，所以生活質素又唔算有好大調整。」而工作性質方面，Cathy指都有點不同，以前是B2C（企業對消費者的商務模式），現在則是B2B（企業對企業的商業模式）。不過她坦言這都是不錯的體驗，而工作文化方面，亦令她感到很新鮮。
- {{hket:inline-image name="p_600_600.jpeg"}}{{/hket:inline-image}}
- {{hket:inline-image name="xmas.jpg"}}{{/hket:inline-image}}
- {{hket:inline-image name="lunar.jpg"}}{{/hket:inline-image}}
- {{hket:inline-image name="Live_Brand_at_the_Pub_in_Manchester.jpg"}}{{/hket:inline-image}}
- {{hket:inline-image name="Chester.JPG"}}{{/hket:inline-image}}
- {{hket:inline-image name="Working_life_in_UK.jpg"}}{{/hket:inline-image}}
- {{hket:inline-image name="York_2.JPG"}}{{/hket:inline-image}}
她指同事們都好願意表達自己，不過很着重一點是「in a nice way」，「佢哋唔介意大家分享見解，但一定要用一定好嘅字眼，中肯啲，對事不對人。雖然開放，但唔鍾意被批評。」因為香港的同事都比較直接，所以Cathy表示自己仍不停學習，更加注意對方的情緒和感受。「佢哋好識尊重人，所以我咁耐以嚟都冇感受到被歧視，反而佢哋對香港都好關心。」她續道，指同事都很願意與她閒聊，初時更會為了讓她適應而減慢語速，令她覺得很窩心，同事間的相處還不錯。
「呢度真係好着重work-life balance！我5:30pm收工，如果6pm都仲喺公司，老細就會問點解仲未走，會提醒大家要收工。所以我真係多咗好多工餘時間！不過呢度嘅娛樂活動比較貴同埋少選擇，閒日亦好唔多人會出街食飯同玩，所以有好多me time，而我有無限量時間思考人生，好容易有情緒起伏……」
事事靠自己 難免感孤單
除了搵工外，Cathy同時要找房子居住，「當時兩大難題同一時間要解決，真係好大壓力，擔心到喊，但因為真係唔希望『未開始已經結束』，加上希望可以話畀大家知冇嘢係冇可能，只要願意拼盡全力去做，就一定可以捱過各種難關，而每個難關都可以令自己成長同強大。」Cathy覺得最大的動力是，希望自己成功在這邊紮根後，身在香港的家人可以有多一個生活的選擇。
現時Cathy已經在英國半年有多，並過了試用期，她坦言初初的日子確實很難捱，更有一點抑鬱，因為來到了這邊，令她確切體會到真的只可以靠自己，「我自己一個人住，好多嘢都要對自己負責，一下子要變得獨立好多，雖然有朋友都喺呢邊，但唔係鄰居咁近嘅距離，所以生活上嘅衣食住行、日常生活大小事都係要自己搞掂。畢竟喺香港同家人住，有人陪、有人照顧，個分別真係好大。」
- {{hket:inline-image name="p_600_600.jpeg"}}{{/hket:inline-image}}
- {{hket:inline-image name="Knutsford.JPG"}}{{/hket:inline-image}}
- {{hket:inline-image name="Chester_2.jpg"}}{{/hket:inline-image}}
- {{hket:inline-image name="liverpool.JPG"}}{{/hket:inline-image}}
- {{hket:inline-image name="London_view_from_london_eye.jpg"}}{{/hket:inline-image}}
- {{hket:inline-image name="ManchesterCatheral.JPG"}}{{/hket:inline-image}}
- {{hket:inline-image name="Manchester_Catheral_2.jpg"}}{{/hket:inline-image}}
- {{hket:inline-image name="Manchester_Catheral_4.jpg"}}{{/hket:inline-image}}
- {{hket:inline-image name="Manchester_Media_City.jpg"}}{{/hket:inline-image}}
- {{hket:inline-image name="OldTrafford.JPG"}}{{/hket:inline-image}}
- {{hket:inline-image name="self.JPG"}}{{/hket:inline-image}}
- {{hket:inline-image name="York.JPG"}}{{/hket:inline-image}}
Cathy分享，孤單感強烈確是一個很大的課題，「放工返屋企淨係對住電腦，我就係屋內唯一嘅生命體，一開始會覺得好新鮮，但久而久之會覺得寂寞……」所以最近她決定帶自己走出這個困境，踏出了第一步，例如開始做運動、參與當地的興趣小組，慢慢擴闊自己的世界，她笑說，正在準備幾個月後的跑步馬拉松比賽！
「我希望日後可以再儲多啲錢，可以留喺呢邊生活，而唔單單係生存！」
原文刊登於CTgoodjobs，原題為：「【香港人在外國】廣告業女生隻身到英國 所有事情都靠自己 嘆：有時會好孤單…」
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】